काठमाडौं- बीपी राजमार्गमा अलपत्र परेकाहरुको हेलिकप्टरबाट उद्धार गरिएको छ ।
आइतबार बिहान नेपाली सेनाको हेलिकप्टरबाट ७७ जनाको उद्धार गरिएको हो । अविरल वर्षासँगै रोशी खोलामा आएको बाढीले राजमार्गका विभिन्न खण्डमा क्षति पुगेको छ । कतिपय ठाउँमा सडक नै बगाएपछि यात्रुहरू अलपत्र गरेका छन् ।
मंगलटारलगायतका स्थानमा अलपत्र गरेकाहरुलाई हेलिकप्टरबाट उद्धार गरेर धुलिखेल ल्याइएको छ । पनौती क्षेत्रबाट ६ जना र चौरीदेउराली क्षेत्रबाट ३ जनाको उद्धार गरिएको छ । उद्धार गरिएकामध्ये १३ जना बिरामी समेत छन् ।
प्रतिक्रिया